Augmentum in intelligentia fidei
Numerus 94 Catechismi
Per Spiritus Sancti assistentiam, intelligentia tam rerum quam verborum depositi fidei in Ecclesiae potest crescere vita:
— « ex contemplatione et studio credentium, qui ea conferunt in corde suo »;80 praesertim « theologica inquisitio [...] profundam veritatis revelatae cognitionem » prosequitur;81
— « ex intima spiritualium rerum quam [credentes] experiuntur intelligentia »;82 « divina eloquia cum legente crescunt »;83
— « ex praeconio eorum qui cum Episcopatus successione charisma veritatis certum acceperunt ».84