Numerus 2642 Catechismi

Revelatio eorum « quae oportet fieri cito », Apocalypsis, canticis fertur liturgiae caelestis, ¹³¹ sed etiam intercessione « testium » (martyrum). ¹³² Prophetae et sancti, omnes qui in terra propter Iesu testimonium interfecti sunt, ¹³³ turba immensa eorum qui de magna venerunt tribulatione et nos praecesserunt in Regno, laudem canunt gloriae Illius qui sedet super Thronum et Agni. ¹³⁴ In communione cum eis, Ecclesia terrestris etiam haec canit cantica, in fide et tribulatione. In petitione et intercessione, fides sperat contra omnem spem et gratias agit Patri luminum a quo omne donum perfectum descendit. ¹³⁵ Sic fides est pura laus.