Numerus 2628 Catechismi

Adoratio est prima habitudo hominis qui se creaturam coram Creatore agnoscit suo. Magnitudinem extollit Domini qui nos fecit ¹⁰⁶ et omnipotentiam Salvatoris qui nos a malo liberat. Eadem est spiritus prosternatio coram « Rege gloriae » ¹⁰⁷ et silentium obsequiosum coram Deo qui « semper [...] maior est ». ¹⁰⁸ Adoratio Dei ter Sancti et sublimiter amabilis confundit humilitate atque securitatem supplicationibus nostris praebet.