Numerus 162 Catechismi

Fides gratuitum est donum, quod Deus homini praebet. Hoc inaestimabile possumus donum amittere; sanctus Paulus de hoc monet Timotheum: « Hoc praeceptum commendo tibi [...] ut milites [...] bonam militiam, habens fidem et bonam conscientiam, quam quidam repellentes circa fidem naufragaverunt » (1 Tim 1,18-19). Ad vivendum, crescendum et perseverandum usque ad finem in fide, illam debemus Verbo Dei nutrire; Dominum precari debemus ut illam nobis adaugeat; ¹⁷⁷ ipsa « per caritatem » operari (Gal 5,6), ¹⁷⁸ a spe sustineri ¹⁷⁹ et in Ecclesiae fide debet esse radicata.